Laidon Ymeri, “SUPER I RIU”,
lindur dhe rritur në Shkodër por duke shkëlqyer akademikisht në vende të ndryshme të botës, Laidon iu bashkua në moshën 17-vjeçare institucionit prestigjoz United World College of the Adriatic (UWC) në Trieste, Itali, ku perfundoi programin 2 vjeçar International Baccalaureate (IB) dhe u diplomua me rezultate të shkëlqyera, duke arritur 2% të pikëve më të larta në botë gjatë periudhës 2021-2023. Gjithashtu ai përfaqësoi delegacionin Shqiptar në misionin global të lëvizjes UWC, që synon të bashkojë njerëzit, kombet dhe kulturat e ndryshme për paqe dhe një të ardhme të qëndrueshme. Pas kësaj eksperience Laidon vazhdoi studimet në Universitetin e Rochester-it në New York, ku studion Inxhinieri Biomjeksore, me dy koncentrime, në Inxhinieri Kimike dhe Neuroshkencë.
Përvecse nxënës i shkëlqyer, Laidon nuk harron pasionin e tij për kërcimin, ku ka drejtuar klasa vallëzimi për studentë nga mbi 90 vende të ndryshme të botës dhe këtë pasion e sjell edhe në Shkodër në qytetin e tij të lindjes duke zhvilluar vullnetarisht kurse kërcimi në Qendrën Rinore “Atelie”, tashmë për 3 vite.
Krenohemi me të rinjtë tanë.
#SuperYOUTH#BashkiaShkodër#QendraRinore#Shkoder
